- 96 -

1315, April 24. Neisse.

Bischof Heinrich von Breslau bestätigt dem Stifte die alten vom bischöflichen Tische geschenkten Zehnten.

In nomine domini amen. Nos Heynricus dei gracia et miseracione divina episcopus Wrat. religiosis viris fratribus abbati et conventui monasterii in Camencz nostre Wrat. diocesis, salutem cum sincera in domino caritate. Placens deo Cistercyensis ordo beati Benedicti religio, in quo divine gloria maiestatis et frequentia divine laudis attollitur, animum nostrum inducit, ut vestrum monasterium et personas ipsius ordinis favere benivolo prosequentes vota vestra curemus benigne adimpleri. Exhibita siquidem nobis petitio vestra continebat, quatenus vobis decimas, fertones episcopales et alios census claustrales, quas in diversis privilegiis et instrumentis autenticis habetis, ideo spectis vestris privilegiis receptisque summarie ipsis probationibus nostris exemplaribus auctoritatem originalium habituris necnon et declaratoriis litteris super hiis decimis vestris iuribus providere consultius dignaremur. Nos igitur piis et iustis vestris petitionibus annuentes, quod vestra privilegia et munimenta coram nobis exhibita recepimus et perspeximus diligenter, que non rasa, non abolita, non cancellata nec in aliqua sui parte invenimus viciata, quorum quidem continentias non omnino de verbo ad verbum propter prolixitatem duximus inserendas, sed in ea parte solummodo, qua necessitatis effectus prosequitur, in privilegio quippe domini Thome primi predecessoris nostri olim episcopi Wrat. inter cetera expressum extitit, quod Camencz vestrum monasterium has decimas de episcopali mensa sibi concessas perpetuo obtineret scilicet: Grokaw cum suo circuitu has in se continet villas scilicet: Golam, Dimidiam villam, Sortem Advocatorum et Advocati villam. Michelaw autem cum suo circuitu in se continet istas villas: Pogrellam videlicet et villam Bohemorum, ipsam Michelaw, Thaschenberg et Miristo, Lipouem (?) , Osseck , in quibus locis et villis omnibus circuitus utriusque vos decimas in fertonibus ab heredibus liberis, scultetis, rusticis et singulis agricultoribus recipitis ex debito et de iure, Osseck dum­ptaxat excepto, in quo propter aquarum inundationem quatuor scoti de manso quolibet vobis dari consweverunt nomine decimarum. Item Michelaw, Thaschynbergk, Miristo exceptis, in quibus decimas ipsas in campis manipulatim tempore messium hactenus percipere conswevistis; preterea consideratione ecelesie de Michelaw, que vestro predicto in Camenez monasterio est subiecta, quemadmodum sufficienter claruit ex instrumentis et litteris autenticis inde confectis et datis, in subscriptis locis et villis fertones decimales dinoscimini, similiter obtinere scilicet in Wintmericz, in Woysli villa et de viginti mansis in Lichtinberg, in Zetschonis villa decimam manipulatim in campis, pro ut inde nobis etiam extitit legittima fides. Memoratas itaque decimas necnon et iura decimarum omnia et singula, prout tam in genere, quam in specie determinata sunt superius et expressa, in villis et locis supra notatis presentibus nostris litteris fecimus exemplari, declarantes easdem decimas, redditus et iura ipsa ad vos et ad predictum in Camenez monasterium pertinere, que et vobis nichilominus et eidem monasterio ex certa scientia confirmamus, In quorum omnium testimonium et evidentiam pleniorem presentibus nostrum sigillum duximus appendendum. Datum Nize octavo Kalendas Maii anno domini M°. CCC°. quintodecimo presentibus dominis: Fredemanno, magistro Arnoldo archidiacono Glogoviensi et magistro Mey(n)hardo canonicis nostris Wrat.; magistro Hymberto de Legenicz, Jeschkone de Strelen et Heynrico de Stregen notariis curie nostre et aliis pluribus fidedignis.

Eine im 16. Jahrhunderte auf Grund der echten Urkunde No. CIII., offenbar zur speciellen Geltendmachung der alten Ansprüche im Grottkau'schen und Michelau'schen Gebiete, entstandene Fälschung auf Pergament mit anhängendem echten Bischofssiegel an rothen Seidenfäden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.